Младите вардарки ја продолжија победничката серија во домашната лига со постигнување на петтата победа сезонава во женската лига, овојпат на гости во Битола кај Пелистер. Нашите девојки победија со 33-25 (16-11) и со новите три бода остануваат на делба на првото место на табелата со максимални 15 бодови.
Доминацијата и добрата на игра на Вардар се гледа и по фактот што нашиот тренер не побара ниту еден тајм аут на натпреварот. Се што беше зацртано се остваруваше на теренот и немаше потреба да се менува ништо ниту пак да се прекинува добрата игра.
Само на почетокот на средбата домашните ракометарки усепаја неколкупати да израмнат - а се друго беше во знакот на „црвено-црните". Во 14 минута беше од 7-6 за Вардар по што следуваше убава серија на голови со која поведовме 11-6 за прво посериозно резултатско одлепување. Таа разлика од пет гола се задржа до крајот на полувремето што го добивме со 16-11.
Разликата што ја направивме во првото полувреме беше клучна за натамошниот дел од средбата. Ја задржавме предноста и успевавме да ја покачиме до „плус 8" како највисока предност. Тоа беше и крајна разлика по истекот на 60-те минти.
Пелистер - Вардар 25-33 (11-16)
ВАРДАР: Гоцевска 2, Ѓеоргиевска 2, Божиновска 1, Грујовска, Џатевска 6, Илиќ, Трпевска, Костовиќ 1, Диневска 2, Миновска 2, Седловска 3, Јаковчевска 1, Галевска 3, Дамјановска 5, Коларовска 1, Николиќ 4.
