Пионерките заминаа на турнир во Црна Гора

Пионерската селекција на Вардар од утре, 24 мај до недела, 26 мај ќе настапи на ракометниот турнир во Никшиќ, Црна Гора. Избраничките на Анжела Платон и Марија Папуџиева на турнирот што се одржува шеста година по ред за девојки помлади од 18 години ќе се натпреваруваат против екипи од регионот.
Вардар е во првата група во категоријата девојки родени 2002 година и помлади, каде противници се и домаќините на турнирот Левалеа 2010. Во истата група се и Дубица од БиХ, Ракометната репрезентација на централна Србија и Крим од Словенија.
Првиот натпревар во петок е против Дубица во 15 часот, а в сабота во 12 часот играме против репрезентацијата на централна Србија, а во 16 часот против Крим. Во 19 часот играме против домаќините, Левалеа.
Во недела се разигрува за пласман од 8 место до првото.

четврток, 23 мај 2019 - 13:54