Пионерките ќе разигруваат за петто место на турнирот во Никшиќ

Младите ракометарки на Вардар остварија голема победа над врсничките од тимот на Крим од Љубљана на турнирот во Никшоќ, Црна Гора, но истовремено беа поразени од репрезентацијата на Централна Србија и од домаќинот Левалеа. По расплетот и одигрување на сите натпревари нашите ракометарки се пласираа за разигрување од петто до осмо место.

Прво утре (недела) од 10,30 разигруваме и со победа би се бореле за петто место, а со пораз за седмо. Без оглед на пласманот најважно е дека ракометарките собираат меѓународно искуство, и играат против екипи од различни градови и земји. Тоа е особено важно во градењето на овие млади девојки во вистински ракометарки кои ќе имаа искуство од различни натпревари и ситуации.

Вториот натпреварувачки ден го почнавме со меч против репрезентацијата на Централна Србија. Игравме одлично, и само нијанси ни ја одзедоа можност да играме најмалку реми. Загубивме 15-14, иако на полувреме водевме со 7-5. Јана Равајска со 4 гола, и Сара Стефановска со 2 и Александра Коловска со 2 беа најпрецизни во нашиот тим. Токму затоа се овие турнири за да се види како напредуваат девојките. А дека се развиваат во добра правец покажа следниот меч.

Иако претходно тесно загубивме, моралот и мотивацијата ни беа на високо ниво. Тоа го покажавме против Крим од Љубљана чии ракометарки ги победивме со 23-18 (10-9). Особено ефикасни и добри бевме во второто полувреме кога ја направивме и решавачката предност. Тоа беше меч што ни ја отвори вратата кон полуфиналето.
Сара Стефановска постигна 5 гола, а Борјана Коцевска и Мила Пешиќ двете по 4 гола.

Се зависеше од нас, но моравме да се справиме со домашниот тимна Левалеа. Двата мечеви што претходно ги игравме ни донесоа замор, а тоа веднаш се забележа во играта. Долгиот пат и трите мечеви оставија трага, па уште во првото полувреме имавме негатива од 2-6. Тоа потоа тешко се стигнуваше и Левалеа победи со 13-9.
На овој меч Сара Стефановска и Мила Пешиќ постигна по 3 гола.

 

сабота, 25 мај 2019 - 22:10