Викендов се играат Ф4 турнири од Вардар Јуниор лигата за 2004/05 и 2006/07

Најдобрата Вардар Јуниор лига, создадена за развој на ракометните способности на најмладите вљубеници во спортот, в недела и сабота во СЦ „Јане Сандански" ги организира Ф4 турнирите за момчињата генерациите 2004/05 и 2006/07.

Им посакуваме добри натпревари на Карпош Вардар, Ангели Вардар, Урдаревски Вардар и Филип Вардар кои разигруваат за финале во сабота од 9 часот. Во паузата за одмор на натпреварувачите, на теренот ќе ги видиме женските екипи на Ново Лисиче Вардар и Будимир Вардар, како и најмладите учесници во лигата, децата родени 2010 година и помали кои се натпреваруваат во мини ракомет.

Натпреварот за трето место, според распоредот се игра од 12.40 часот, додека финалето меѓу двете најдобри екипи е закажано за во 13.40 часот. Потоа следи церемонија за доделување на награди.

Дружбата со најдобрите момчиња во генерациите 2006/07 е закажана за в недела. Ф4 турнирот за Бисинов Вардар, Ангели Вардар, Будимир Вардар, Урдаревски Вардар почнува во 9 часот. За време на нивниот одмор, продолжуваме со натпревари меѓу момчињата во генерацијата 2008/09, и тоа екипите на Ангели Вардар, Бисинов, Вардар, Партение Зографски Вардар и Кисела Вода Вардар.

Во 12.30 часот следи натпреварот за трето место, по што повторно следи пауза со мечот меѓу Бисинов Вардар и Шампион Вардар од генерацијата 2008/09.

Финалето за најдобрите од 2006/07 е закажано за 14 часот, а по натпреварот следи церемонијата за доделување на наградите.

Распоред за натпреварите и за Ф4 турнирите: saatnica_11_12.05.2019.pdf

петок, 10 мај 2019 - 17:35