Вести

Најмладите ракометарки на Вардар во кадетска конкуренција триумфираа против Металург со 33 : 25 потврдувајќи ја првата позиција во нивната група 1. Овој натпревар беше последен во есенскиот дел од сезоната за избраничките на Анжела Платон и Марија Папуџиева. Односно пионерките, кои паралелно се натпреваруваат во пионерска и во кадетска конкуренција, и во двете лиги ги одиграа последните натпревари од првиот дел на сезоната и при тоа и во двете категории се првопласирани во групите со максимален учинок на сите натпревари.

Пионерките на Вардар ја победија екипата на Аеродром со 21 : 11. На гостински терен избраничките на Анжела Платон и Марија Папуџиева беа убедливо подобри, потврдувајќи дека и сезонава се фаворити за највисоките признанија на националното пионерско првенство.

Трета убедлива победа за најмладите вардарки во Куманово во натпреварот од пионерската лига. Избраничките на Анжела Платон со 27 : 12 триумфираа против екипата на Куманово, со што ја реализираа третата победа по ред од почетокот на сезоната 2019/20.