Ракометна академија

Не е важно од каде сте, каде сте родени и каде живеете - Вардар го сакаат сите

Најсилната мотивација за децата кои го сакаат ракометот е кога ќе се вклучат во екипата на нивните идоли, односно кога ќе станат дел од она што за нив е најдоброто. Најдобриот ракометен клуб во Македонија Вардар го има токму тој неодолив магнетизам што со години привлекува млади таленти во нашата Ракометна академија, која традиционално организира лига за деца и за млади ракометари - Вардар Јуниор лига.

Подгответе се за нови предизвици: Стартува новата сезона на Вардар Јуниор лигата

Најдобрата ракометна лига за млади категории во организација на Ракометната академија Вардар стартува в недела, 28 октомври во СЦ „Јане Сандански".

Кадетките од Прилеп донесоа бодови

Кадетките на Вардар со бодови се вратија од Прилеп, откако ремизираа на натпреварот против Деспина со 21 : 21 (8 : 13). Прилепска Деспина е на врвот од нашата група, додека вардарките се на третата позиција.

Најмладите вардарци од Кисела Вода тренираа со Индира Кастратовиќ и Симе Симовски

Најмладите дечиња од ракометната школа Кисела Вода Вардар имаа уникатно искуство меѓу нивните врсници на тренинг со тренерот на женската екипа на Вардар Симе Симовски и координаторот за женските младински селекции Индира Кастратовиќ. Искуството го збогатија и три ракометарки од екипата на Вардар Ива Јаковчевска , Ана Марија Божиновска и голманот Симона Грујовска.

Вардар Седмерец - нетрпеливи да заиграат во Вардар Јуниор лигата

Вардар Седмерец од Охрид се подготвува за неговата прва сезона во најголемиот ракометен проект за деца во Македонија, Вардар Јуниор лигата. Тренерот Борис Џутески вели дека со нетрпение го чекаат стартот на новата сезона, а и ние сме нетрпеливи да ги видиме новите членови од Охрид низ салите каде во сезоната 2018/2019 ќе се одржува лигата.

Стартуваат уписите за Кисела Вода Вардар

Ракометна Академија Вардар започнува со упис на членови во ракометната школа во Кисела Вода. Првите тренизи ке се одржат на 20.09.2018 година во спортската сала при ООУ Партенија Зографски – Кисела Вода, и тоа за децата родени 2010 и помлади тренинзите се во вторник и четврток од 16.30 - 17.30, а за децата родени 2008/09 термините се во вторник и четврток од 18.30 - 19.30. За децата од генерацијата 2006/07 очекуваме термини за тренинзи од општината, по што ќе информираме и за нив.