Ракометна академија

Победници на шестиот по ред турнир „Еден живот, една љубов" во женска категорија е екипата на Делчево Вардар. Турнирот што е во организација на Ракометната академија Вардар годинава се одржува во СЦ „Јане Сандански". Традиционалното спортско случување во изминативе години привлече стотици млади ракометни таленти, создавајќи имиџ на место каде најмладите ракометари од цела Македонија можат преку натпревари да видат до каде се во однос на своите врсници.

Младите ракометари во нашата школа Кисела Вода Вардар имаа невообичаен тренинг. Заедно со тренерот на Вардар Јуниор Стојан Петрушевски, поранешен селектор на сениорската и на младинската репрезентација на Македонија тренираа како големи ракометари. Научија по некоја нова финта, но пред сѐ добро се забавуваа и уживаа во вежбите и игрите кои им ги организираше Петрушевски.

Еуфоричната треска што завладеа по второто освојување на тронот во најелитното европско клупско натпреварување Лига на шампионите, повторно се разбуди со втората победа на двократниот шампион Вардар во СЦ "Јане Сандански" против Порто. Среќата и возбудата што ги предизвика Вардар кога го донесе пехарот во Скопје сѐ уште изнудуваат насмевки, особено кај оние кои ја искористија можноста да се сликаат со европскиот трофеј.Затоа Ве каниме да дојдете да се сликате со пехарот во Охрид.

На прагот на новата ракометна сезона за децата и млади Вардар Седмерец од Охрид почна со уписи на деца родени од 2005 до 2013 година. Ракометната школа е дел од семејството на Ракометната академија Вардар и изминатите години е дел од најголемите ракометни проекти за деца во Македонија, Вардар Јуниор лигата и турнирот „Еден живот, една љубов".